जनकपुरधाम : जनकपुरधाममा एक महिला र बालिकाको शव जलेको अवस्थामा फेला परेको छ। जनकपुरधाम उपमहानगर-१६ पुलचोकमा रेल्वे लिक नजिक पोखरी डिलमा...
ओखलढुंगा : सिद्धिचरण नगरपालिका २ स्थित रक्तमाला आधारभूत विद्यालयमा सिसि क्यामेरा चोरी भएको छ। विद्यालयमा जोड्न तयार गरेर राखिएका सिसी क्यामेरा, शैक्षिक सामग्री, खेलकुद सामग्रीलगायत शिक्षण सामग्री चोरी भएका हुन्।
पठनपाठनमा प्रयोग गरिँदै आएको विद्यालयको प्रोजेक्टर पनि चाेरले फुटाइदिएको जिल्ला प्रहरी कार्यालय ओखलढुंगाका प्रहरी प्रमुख रुपेश खड्काले बताए। गएराति भएको घटनामा शैक्षिक सामग्री चोरीका साथै विद्यालयको बालकक्षा र प्रशासनिक कक्षा पनि चोरले तोडफोड गरेको विद्यालय व्यवस्थापन अध्यक्ष जीवन कट्वालले जानकारी दिए।
गएराति नै सोही विद्यालय आपसमा रहेका सुमन खत्री र वीरबहादुर कार्कीको किराना पसलसमेत चोरी भएको जिल्ला प्रहरी कार्यालय ओखलढुंगाले जनाएको छ ।
त्यसैगरी गएराति नै ओखलढुंगा सदरमुकामस्थित चन्द्र सुनचाँदी पसलसमेत चोरी भएको थियो। पसलबाट चोरले एक सय तोला चाँदी र १५ हजार बराबरको पोते चोरेका थिए।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।