कुवेतमा ५१ जना नेपालीमा कोरोना संक्रमण, एकैदिन थपिए २२ जना
बैशाख १७, २०७७
काठमाडौं : कुवेतमा कोरोबाट संक्रमित हुने नेपालीको संख्या ५१ पुगेको छ। हिजो थप २२ जना नेपाली श्रमिकलाई कोरोना सङ्क्रमण देखिएको छ।
थप २२ जना गरी मंगलबारसम्ममा कुवेतमा जम्मा ५१ जना नेपाली श्रमिकलाई कोरोना सङ्क्रमण देखिएको कुवेतका लागि नेपाली राजदूत दुर्गाप्रसाद भण्डारीले बताए। कुवेतमा यसअघि २९ जना नेपालीमा कोरोना सङ्क्रमण देखिएको थियो। कुवेतमा झण्डै ७० हजार नेपाली कार्यरत छन्।
मंगलबारसम्ममा कुवेतमा ३४ सय ४० जनामा कोरोना सङ्क्रमण भएको छ। जसमध्ये ११ सय ७६ जना उपचारपछि निको भएका छन् भने २२ सय ४१ जनाको अस्पतालमा उपचार भइरहेको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।