काठमाडौं : पश्चिमी र स्थानीय वायुको आंशिक प्रभाव रहँदा देशका केही भूभागमा बुधबार पनि वर्षाको सम्भावना छ। मौसम पूर्वानुमान म...
स्याङजा : स्याङजा र कास्कीको सिमानामा रहेको कुभिन्डेमा सेनिटाइज टनेल स्थापना गरिएको । स्याङजालाई कोरोना भाइरसको सम्भावित संक्रमणबाट रोकथाम गर्न युवा संघ नेपाल पुतलीबजार नगर कमिटीले सिद्धार्थ राजमार्गको जिल्ला प्रवेशद्वारमा सेनिटाइज टनेल स्थापना गरेको हो।
राजमार्ग हुँदै आउने गर्ने कुनै पनि व्यक्तिलाई सेनिटाइज गरेपछि मात्र स्याङजा प्रवेश गर्न दिइन्छ। प्रदेश ५ र गण्डकी प्रदेशको प्रवेशद्वार राम्दीमा पनि यो टनेलको स्थापना गरिने भरत गोदारले बताए।
सेनिटाइज टनेल हस्तान्तरण कार्यक्रममा गाउँपालिका उपाध्यक्ष देवी थापाले जिल्लावासीलाई संक्रमणमुक्त बनाउन नाकामा राखिने टनेलको सदुपयोग गर्ने बताइन्। अहिले यस नाका हुँदै आउने यात्रुहरुले अनिवार्य व्यक्तिगत विवरण टिपाउनुपर्ने, थर्मो स्क्यानमार्फत चेकजाँच गर्नुपर्ने र सिसि क्यामेरा मार्फत दृश्य कैद गर्ने समेत शुरुवात गरिएको थापाले बताइन्।
यसैगरी प्रदेश ५ र गण्डकी प्रदेश जोड्ने नाका पनि सवारी साधनलाई अनिवार्य डिसइन्फेक्टेड स्प्रे छरेर मात्र जिल्ला प्रवेश गराइएको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।