तीमध्ये महाराष्ट्रमा मात्र बुधबार एकै दिन ३२ जनाको मृत्यु भएको हो। त्यसमा पनि २६ जना मुम्बईका बासिन्दा भएका त्यहाँका सञ्चारमाध्यमले जनाएका छन्। त्यस्तै बुधबार गुजरातमा मात्र १६ जनाको मृत्यु भएको बताइएको छ। 

९ दिनमा ५ सय १३ जनाको ज्यान गयो

हिजो मंगलबार ७१ जनाको कोरोना संक्रमणका कारण ज्यान गएको भारतमा पछिल्लो ९ दिनको अवधिमा मात्र ५ सय १३ जनाको मृत्यु भएको छ। अहिलेसम्मकै सबैभन्दा धेरै भारतमा अप्रिल २८ अर्थात मंगलबार ७१ जनाको ज्यान गएको छ। 

भारतको महाराष्ट्रमा ४ सय ३२ जनाको कोरोना संक्रमणबाट ज्यान गएको छ। त्यस्तै अर्को प्रदेश गुजरातमा १ सय ९७ जनाको मृत्यु भएको त्यहाँ सञ्चारमाध्यमलाई उद्धृत गर्दै बिबिसीले जनाएको छ। त्यसैगरी मध्यप्रदेशमा १ सय ३० जनाको निधन भएको बताइएको छ। भारतको राजधानी दिल्लीमासमेत ५४ जनाको निधन भइसकेको छ।