मंगलबार संकलन गरिएको स्वाबको रिपोर्ट बुधबार साँझ ८ः४५ बजेतिर आएको हो। उनीहरुको पीसीआर विधिबाट भेरी अस्पतालमा कोरोना परीक्षण गरिएको जिल्ला स्वास्थ्य कार्यालय, बाँकेका कोरोना फोकल पर्सन नरेशबाबु श्रेष्ठले बताए। 

कोरोना परीक्षण भएकामध्ये सात जना भारतीय इस्लाम धर्मगुरु र तीन जना नेपाली रहेको श्रेष्ठले बताए। ‘तीन जना नेपाली धर्मगुरुका सहयोगी भएको खुलेको छ,’ उनले भने। मुस्लिम आयोग अनुगमन समितिको नेतृत्वमा बाँकेका सुरक्षा अधिकारी, जनप्रतिनिधि, धर्मगुरुसहित सहभागी टोलीले कोरोना परीक्षणका लागि मस्जिदमा रहेका धर्मगुरुको नमूना संकलन गरिएको थियो। 

उनीहको स्वाब भेरी अस्पतालको कोरोना प्रयोगशालामा परीक्षण गर्दा नेगेटिभ आएको श्रेष्ठले बताए। बुधबार दिउँसो एकलैनीस्थित फूलवारी मस्जिदका ११ जनाको पनि स्वाब संकलन गरिएको छ।