सुर्खेत : कर्णाली प्रदेश अस्पतालबाट पहिलो पटक ७ जनाले कोरोना जितेर शुक्रबार डिस्चार्ज भएका छन्। कर्णाली प्रदेश अस्पताल सुर्खेतको कोभिड–१९ उपचार केन्द्रमा रहेका ६ पुरुष र एक महिला संक्रमितलाई घर पठाइएको छ।
प्रदेश अस्पताल सुर्खेतका कोरोना फोकल पर्सन डाक्टर केएन पौडेलका अनुसार दैलेखका एक, सुर्खेत ५ जना र एक जना परिचय नखुलेकी महिला गरी ७ जना डिस्चार्ज भएका हुन्।
उनका अनुसार तीमध्ये एक जना दैलेख महाबु गाउँपालिका र अरु सबै सुर्खेतका हुन्।
जसमा वीरेन्द्रनगर नगरपालिका १ का १६ वर्षीय, वडा ३ तातापानीका २६ वर्षीय, वडा ८ का १७ वर्षीय, वडा ९ लाटीकोइलीका ११ वर्षीय, वडा ४ का ३७ वर्षीय र दैलेख महाबु गाउँपालिका १ का २६ वर्षीय छन्। एक जना बोल्न नसक्ने महिला पनि उनीहरुसँगै डिस्चार्ज भएकी छन्।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।