डडेल्धुरा : बाजुरास्थित एक क्वारेन्टाइनमा बसिरहेका एक वृद्धको मृत्यु भएको छ। जिल्लाको खप्तड छेडेदह गाउँपालिका ७ स्थित क्वारेन्टाइनमा बसिरहेका ६५ वर्षीय वृद्धको मृत्यु भएको हो। उनी जेठ १५ गते भारतबाट आएर क्वारेन्टाइनमा बसिरहेका थिए।
शुक्रबार बेलुका खाना नखाएको र राति एकाएक बिरामी भएर उनको मृत्यु भएको खप्तड छेडेदह गाउँपालिका ७ का वडाध्यक्ष खगेन्द्र रावतले जानकारी दिए। गाउँमै रहेको मष्टा आधारभूत विद्यालय बुढाबाडाको क्वारेन्टाइनमा उनको मृत्यु भएको उनले बताए।
वडाध्यक्ष रावतका अनुसार उनी विगत २५ वर्षदेखि भारतमा बस्दै आएका र त्यहीँ जेठ १५ गते मात्र गाउँमा आएका हुन्। मृतकको कोरोना परीक्षणका लागि थ्रोट स्वाब संकलन गरिने प्रमुख जिल्ला अधिकारी कृष्ण गैरेले जानकारी दिए।
मृतकको स्वाब संकलन गरी धनगढी प्रयोगशालामा पठाउने र उनको शव नेपाली सेनाले व्यवस्थापन गर्ने प्रजिअ गैरेले बताए।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।