‘सरकारले गरिब किसालाई के दिने भएको छ? आज किसानले मल, बीउ पाइराख्या छैन। त्यसै खेती गर भनेर हुन्छ? त्यो खेतीबाट उत्पादन कति हुन्छ? सरकारले आजसम्म कहाँ कहाँ पसल खोलेको छ किसानको उत्पादन खरिद गर्न?,’ कृषि मन्त्रीलाई प्रश्न गर्दै उनले भने, ‘मोल तोकेर हुन्छ? अनि यो कम्युनिष्टको सरकार। गरिबको उत्थान गर्न केके कार्यक्रम छन त्यो भन्नुपर्याे ।’ 

उनले वीरगञ्‍ज चीनी उद्योग र कृषि औजार उद्योग तत्कालै चलाउन पनि सरकारसँग माग गरे। उनले अहिलेको बजेटमा सन्तुष्ट हुने ठाउँ नरहेको पनि बताए। 
‘बजेटलाई हेर्दा घरमा पूजा गर्दा बिरालो बाँधेर गर्ने भन्ने बाहेक केही भएको छैन,’ उनले भने, ‘देशमा यस्तो महामारी आइसक्यो। किसानहरु खान विना मरिरहेका छन। उद्योग धन्दा बन्द भइसके बजेटमा त्यही परम्परागत छ।’ 

महामारीको प्रभाव मानिसको जीवनमा विरामीको माध्यमबाट मात्र नपरेको र उसको सारा कारोबारमा पनि गरेको उनलेब ताए। ‘जनताको सारा कारोबारमा परेको छ। यसको उत्थान कसरी गर्ने बजेटले बाटो दिएको छ ?’ उनले भने। उनले व्यापारी, उद्योगी र कृषकलाई राहतको प्याकेज ल्याउन सरकारलाई आग्रह गरे। ‘आज साना व्यापारीले आफ्नो पैसाले व्यापार गरेको छ। तर, बैंकबाट लिएको छ। 

व्यापारीहरुको व्याजमा सहुलित दिनुपर्ने थियो, विजुलीमा सहुलियत दिने, पछि ऋण लिने व्यवस्था गर्नुपर्ने थियो,’ उनले भने, ‘उद्योग खोल्ने भनेको छ। किन खोल्ने उद्योग। उत्पादन होला भोली कल्ले खरिद गर्ने ?’  बजेट समानुपातिक नभएको पनि उनको दाबी छ।