हालै एकता भएको जनता समाजवादी पार्टीको अध्यक्षबाट अन्तिममा फालिएर वरिष्ठ नेतामा सीमित भएपछि थापाले भट्टराईलाई सान्तवना दिएका हुन्। आइतवार निर्वाचन आयोगमा पार्टी दर्ताका क्रममा दोस्रो वरीयतासहित पार्टीको अध्यक्ष रहेका भट्टराईको नाममा टिपेक्स लगाएर चौथो वरीयतासहित वरिष्ठ नेतामा सीमित गरिएको थियो।

तत्कालीन समाजवादी पार्टीबाट नयाँ पार्टीमा दुईजना अध्यक्ष राख्‍न नसकिने अडान तत्कालीन राष्ट्रिय जनता पार्टी पक्षधरले राखेपछि उपेन्द्र यादव अध्यक्ष बनेका छन् भने भट्टराईलाई वरिष्ठ नेता बनाइएको छ। 

त्यसपछि थापाले भट्टराईलाई फकाउने गरी राजनीतिक सन्देश दिएका हुन्। 'बाबुराम भट्टराईलाई केहीले खिसी गरेको पढें। बाबुरामजीसँग धेरै विषयमा मेरो मतभेद छ। तर,उहाँको वरीयता/राजनीतिक उचाई निर्वाचन आयोगमा पेशभएको कागजले गर्दैन', उनले भनेका छन्, 'लामो राजनीतिक यात्रा/संघर्षले समाजमा उहाँको स्थान कायम भइसकेको छ। एकता गर्दा नाम तल राख्‍न मानेर बरु उहाँको उचाई अझै बढेको देखिन्छ।

वरियताको विषयमा @brb1954 लाई केहीले खिसी गरेको पढें।बाबुरामजीसंग धेरै विषयमा मेरो मतभेद छ।तर,उहाॅको वरियता/राजनीतिक उचाई नि.आयोगमा पेशभएको कागजले गर्दैन।लामो राजनीतिक यात्रा/संघर्षले समाजमा उहाॅको स्थान कायम भैसकेको छ।एकतागर्दा नाम तल राख्न मानेर बरु उहांको उचाई अझै बढेको देखिन्छ

— Kamal Thapa (@KTnepal) June 8, 2020