‘बिनायो कङकङ, बिनायो कङकङ ए कान्छा घुम्न जाऊँ लै लै मलायो हङकङ यो गीत कुनै सांगीतक कार्यक्रमको ‘स्टेज प्रोग्रा...
काठमाडौं- संसद्को प्रमुख प्रतिपक्षी दल नेपाली काँग्रेसले आव २०७३÷०७४ को बजेट संसद् समक्ष प्रस्तुत हुनु अगावै समाचारपत्र मार्फत आएको भनी मङ्गलबार पटक पटक बैठक अवरुद्ध गरेपछि संसद् खुलाउने बारे सत्तारुढ दलको बैठक बसेको छ ।
प्रधानमन्त्री केपी शर्मा ओलीको आह्वानमा आज सरकारमा रहेका सबै दलको बैठक बालुवाटारमा बसेको हो । बैठकबाट बाहिरिएपछि सञ्चारकर्मीसँग प्रतिक्रिया दिँदै कानुन, न्याय तथा संसदीयमामिलामन्त्री अग्निप्रसाद खरेलले प्रमुख प्रतिपक्षी दलले मङ्गलबार पटकपटक संसद् अवरुद्ध भएपछि संसद् खुलाउने बारेमा छलफल गर्न बैठक बसेको जानकारी दिनुभयो ।
“बजेट चुहावट केलाई मान्ने, केलाई बाहिर गएको मान्ने भन्ने प्रश्न त्यसभित्र छन्, विगत वर्षहरुमा पनि बजेट आएको छ, बजेटका मूलभूत कुरा बाहिर आउनु स्वाभाविक हो”– खरेलले भन्नुभयो ।
उपप्रधानमन्त्री टोपबहादुर रायमाझीले बजेट प्रस्तुत हुनुअगावै सूचना चुहावट भएको कुरालाई लिएर प्रमुख प्रतिपक्षी दलले गरेको अवरोधलाई कसरी सम्बोधन गर्ने भन्ने विषयमा छलफल भएको बताउनुभयो । उहाँले भन्नुभयो– “आजै संसद् हुनु अगावै प्रमुख प्रतिपक्षी दलहरुसँग बसेर समस्याको समाधान खोज्नेतर्फ लाग्छौँ ।”
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।