काठमाडौँ: शून्य संख्यामा झरेको कोभिड -१९ का संक्रमित पुनः बढ्न थालेका छन्। पछिल्लो एक हप्तायता मात्रै काठमाडौँ उपत्यकामा दर्जनभन्दा ब...
काठमाडौं : सरकारले आउँदो असारदेखि देशका विभिन्न सहरमा तरकारीको विषादी नाप्ने यन्त्र राख्ने भएको छ। आउँदो असारदेखि विषादी मापन यन्त्र जडान गर्ने तयारी भएको बाली संरक्षण निर्देशनालयका कार्यक्रम निर्देशक डिल्लीराम शर्माले जानाकारी दिए।
धेरै तरकारी र फलफूलको किनबेच हुने मुख्य क्षेत्रहरु बुटवल, विराटनगर, नारायणघाट, पोखरा, नेपालगञ्जमा विषादी मापन यन्त्र जडान गर्न लागिएको शर्माले जानकारी दिए। मेसिन किन्नको लागि बोलपत्र आह्वान गरिसकेको उनले बताए। '
निर्देशनालयले अहिले काठमाडौं उपत्यकामा भित्रने तरकारीमा धरै विषादी मिसिएको गुनासो आएपछि खाद्य प्रविधि तथा गुण नियन्त्रण विभागसगँको सहकार्यमा काठमाडौं छिर्ने चारैवटा नाका जगती, थानकोट, कीर्तिपुर र बालाजुमा फलफुल तथा तरकारीको विषादी मापन गरिरहेको छ।
साताको दुई दिन दुई नाकामा अनुगमन गर्ने र अनुगमनबाट छनोट गरिएका नमूनालाई निर्देशनालयको प्रयोगशालामा द्रुत विश्लेषण विधिद्वारा परीक्षण गरिने शर्माले बताए।
परीक्षणमा मापदण्डभन्दा बढी विषादी प्रयोग भएको शंका लागेमा खाद्य प्रविधि तथा गुण नियन्त्रण विभागको केन्द्रीय प्रयोगशाला पठाइने शर्माले बताए।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।