काठमडौं- चौथो नेपाल मानवाधिकार अन्तर्राष्ट्रिय चलचित्र महोत्सव जेठ २८ देखि ३० गतेसम्म हुने भएको छ । मानवअधिकार चलचित्र केन्द्रको आयोजनामा हुने उक्त महोत्सव तिन दिन सक्म चल्ने छ । महोत्सवमा विभिन्न देशमा ३२ वटा चलचित्र प्रदर्शन गरिने छन् । व्यवसायिक चलचित्र उद्योगले सामाजिक, आर्थिक, राजनीतिक तथा सांकृतिकरुपमा पछि परेका, उत्पीडित, न्यायको अनुभूति गर्न नपाएका समुदायको आवाज मुखरित गर्न नसकेको भन्दै विश्वभरनै वैकल्पिक चलचित्रको निर्माण हुँदैआएको र यस्ता चलचित्रहरुको महोत्सव आयोजना गर्न पाउँदा गौरव अनुभव गरेको महोत्सव निर्देशक पाण्डव खत्री क्षेत्रीले बताए । मानवअधिकार चलचित्र केन्द्रको मुख्य आयोजना र राष्ट्रिय मानवअधिकार आयोग तथा संयुक्त राष्ट्र संघीय विकास कार्यक्रम (युएनडिपी ) को सहकार्यमा महोत्सव लितपुरको स्टाफ कलेजमा हुनेछ । महोत्सवमा प्रतियोगितातर्फ ५ वटा नेपाली चलचित्रसहित २५ वटा चलचित्र रहने छन। उक्त प्रतियोगितामा नेपाली र विदेशी गरी दुई विधामा पुरस्कृत गरिनेछ ।