काठमाडौँ : आईसीसी टी-२० अन्तरराष्ट्रिय वरीयतामा नेपाल एक स्थान खस्किएको छ। अन्तरराष्ट्रिय क्रिकेट परिषद् (आईसीसी) ले आज (बुधवार) सार्वजनिक ग...
काठमाडौं : नेपाल इन्टरनेसनल तेक्वान्दो महासङ्घका उपाध्यक्ष चेतनराज गिरीलाई नक्कली कागज बनाई दक्षिण कोरिया पठाइदिने भनी विभिन्न व्यक्तिलाई ठगी गरेको आरोपमा प्रहरीले बुधबार पक्राउ गरेको छ।
जुम्ला चन्दननाथ नगरपालिका घर भएका गिरीलाई ठगी मुद्दामा आवश्यक कारबाहीका लागि महानगरीय प्रहरी परिसर काठमाडौँ पठाइएको महाशाखाले जनाएको छ।
झापा घर भएका राजेन्द्र दवाडीलाई समेत फेडेरेसनको नक्कली कार्ड मार्फत तेक्वान्दोको खेलाडी बनाई रु सात लाख ५० हजार लिई लन्डन पठाएकामा नक्कली कागजात भन्ने थाहा भएपछि त्यहाँको विमानस्थलबाट फिर्ता पठाइएको थप जाहेरी महाशाखामा परेको छ।
उनले महासङ्घबाट नक्कली खेलाडी बनाई रकम लिएर अन्तर्राष्ट्रिय खेलमा सहभागी गराउने गरेको प्रारम्भिक अनुसन्धानबाट खुलेको छ। अभियुक्त गिरी रग्वी सङ्घको समेत महासचिव रहेको तथा उनले न्युजिल्यान्ड, बेलायत, चीन र क्यानडामा भएको अन्तर्राष्ट्रिय तेक्वान्दो खेलमा रेफ्रीका रुपमा भूमिका निर्वाह गरेका थिए।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।