पर्वत : प्राकृतिक सौन्दर्यमा रमाउने आन्तरिक तथा बाह्य पर्यटकका लागि आकर्षणको एउटा मुख्य केन्द्र हो- हिमाल पारीको जिल्ला मुस्ताङ। आन्तरिकसहित वि...
भूकम्पपीडितको सूचिमा नाम छुटेपछि गाविस कार्यालयमा तालाबन्दी
पुनर्निर्माण प्राधिकरणको काममा लापरवाही
असार ४, २०७३
गोरखा- पुनर्निर्माण प्राधिकरणको काममा एकपछि अर्को लापरवाही भेटिएपछि भूकम्पपीडितलाई अझ समस्या भएको छ । घर बनाउन सरकारले दिने अनुदान रकम पाउने सूचीमा आफूहरुको नाम छुटेको भन्दै गोरखाको ताप्ले गाविसका भूकम्पपीडितले गाविस कार्यालयमा ताला लगाएका छन् ।
करिव २० जनाको सङ्ख्यामा हिजो शुक्रबार दिउँसो कार्यालय पुगेका भूकम्पपीडितले ‘वास्तविक भूकम्पपीडितको नाम छुटाइएको’ भन्दै ताला लगाएका हुन् ।
यसअघि घर पूर्ण रुपमा क्षति पुगेको भन्दै रातो कार्ड लिएका भूकम्पपीडितको नाम अनुदान पाउने सूचीमा छुटेपछि उनीहरु आक्रोशित भएका हुन् । लाभग्राही र गाविस सचिवबीच अनुदान वितरण प्रक्रियाका लागि सम्झौताको काम भइरहेका बेला उनीहरुले कार्यालय बन्द गराएका हुन् ।
गाविस सचिव घनश्याम ढकालका अनुसार गत जेठ २६ गतेदेखि निजी आवास निर्माणका लागि अनुदान दिन लाभग्राहीसँग सम्झौता सुरु गरिएको हो । रातो कार्ड लिएका तर अनुदान पाउने सूचीमा नाम छुटेकाहरुले कार्यालय बन्द गराएको उनले बताए । आजसम्म ८०० जनाको सम्झौता भैसकेको छ ।
एक हजार २९८ जनाले रातो कार्ड पाएको भएपनि गाउँमा इञ्जिनियर गएर तथ्याङ्क सङ्कलन गरेपछि एक हजार २२८ जनाको मात्रै अनुदान पाउने सूचीमा नाम निस्केको थियो । पूर्व गाविस अध्यक्ष देवीप्रसाद श्रेष्ठले भूकम्पले घर भत्किएपनि कसैको नाम आएको, कोहीको नआउँदा समस्या देखिएको बताए ।
अनुदान पाउने सूचीमा नाम छुटेमा गुनासो गर्न फाराम भर्ने नियम भएपनि सो नियम नबुझेर गाउँ–गाउँका मानिसहरु नाम छुटेको गुनासो गर्न जिल्ला प्रशासन कार्यालय र जिल्ला विकास समितिको कार्यालयमा दिनहुँजसो आउने गरेका छन् ।
गाविस सचिव घनश्याम ढकालका अनुसार गत जेठ २६ गतेदेखि निजी आवास निर्माणका लागि अनुदान दिन लाभग्राहीसँग सम्झौता सुरु गरिएको हो । रातो कार्ड लिएका तर अनुदान पाउने सूचीमा नाम छुटेकाहरुले कार्यालय बन्द गराएको उनले बताए । आजसम्म ८०० जनाको सम्झौता भैसकेको छ ।
एक हजार २९८ जनाले रातो कार्ड पाएको भएपनि गाउँमा इञ्जिनियर गएर तथ्याङ्क सङ्कलन गरेपछि एक हजार २२८ जनाको मात्रै अनुदान पाउने सूचीमा नाम निस्केको थियो । पूर्व गाविस अध्यक्ष देवीप्रसाद श्रेष्ठले भूकम्पले घर भत्किएपनि कसैको नाम आएको, कोहीको नआउँदा समस्या देखिएको बताए ।
अनुदान पाउने सूचीमा नाम छुटेमा गुनासो गर्न फाराम भर्ने नियम भएपनि सो नियम नबुझेर गाउँ–गाउँका मानिसहरु नाम छुटेको गुनासो गर्न जिल्ला प्रशासन कार्यालय र जिल्ला विकास समितिको कार्यालयमा दिनहुँजसो आउने गरेका छन् ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।