टर्कीको उत्तरी प्रान्त टोकाटमा बिहीवार ५.६ म्याग्निच्युडको भूकम्प गएको देशको विपद् व्यवस्थापन प्राधिकरण एएफएडीले जनाएको छ। साँझ ६ बजेर ११ मिन...
मनिला- फिलिपिन्समा सरकार र लामो समयदेखि हिंसात्मक विद्रोह गर्दै आएको कम्युनिस्ट विद्रोहीबीच शान्ति वार्ताको हुने भएको छ ।
अन्तर्राष्ट्रिय समाचार एजेन्सीहरुले जनाएअनुसार सरकारले वार्ता गर्ने जानकारी गतको साता नै दिएको थियो । त्यसयता सरकारी र विद्रोही दुवै पक्षले वार्ताको तयारी गरिरहेका छन् ।
यसअघि सन् २०१३ मा आयोजना गरिएको शान्तिवार्ता विना निष्कर्ष टुंगिएको थियो । त्यसपछि यी दुई पक्षबीच वार्ता सुरु गर्न सकिएको थिएन । नवनियुक्त राष्ट्रपति रोड्रिगो डुटेर्तेले सो वार्तालाई पुनः सुरु गर्ने बताएका थिए ।
राष्ट्रपति डुटेर्ते सत्तामा आएपछि शान्तिवार्ताका लागि पहल सुरु गरेका थिए । त्यसपछि दुवै पक्षबाट वार्ता टोली पनि गठन गरिएको थियो ।
दुवै वार्ता टोलीद्वारा संयुक्त रुपमा जारी गरिएको विज्ञप्तिमा आगामी वार्ता जुलाईको तेस्रो साता हुने र त्यसका लागि संयुक्त रुपमा वार्ताको तयारीका काम भइरहेको बताइएको छ ।
फिलिपिन्सको हिंसात्मक बिद्रोह एसियाकै सबैभन्दा पुरानो हो । दशकौँदेखि जारी सो विद्रोहमा परी दशौँ हजार व्यक्तिको ज्यान गएको छ । तर पटक पटकका यसअघिका यस्ता शान्ति वार्ताहरु सफल हुन भने सकेका छैनन् ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।