राजनीति

प्रधानमन्त्रीको समर्थनमा वीरगन्जमा मोटरसाइकल र्‍याली, हेर्नुस् ४ फोटो

असार २४, २०७७

    पर्सा : पर्सामा पनि प्रधानमन्त्री केपी शर्मा ओलीको समर्थनमा मोटरसाइकल र्‍याली निकालिएको छ। वीरगन्ज हुने प्रदर्शनहरूमा छेवैमा रहेको भारतीय महावाणिज्य दूतावासको पनि प्रायः केही संकेत हुने गर्दथ्यो। 

    तर बुधबारको र्‍यालीमा त्यस्तो कुनै छनक देखिएन। वीरगन्जको विपी उद्यानबाट सुरु भएको मोटरसाइकल र्‍याली घण्टाघर, माइस्थान, आदर्श नगर, मकालु होटल चोक, घडिअर्वा हुँदै वीरगन्ज बजार परिक्रमा पछि पुनः घण्टाघर चौकमा पुगेर कोण सभामा परिणत भएको हो।

    र्‍यालीमा सहभागी युवाहरुले नेपालको पूर्ण आकारको नक्सा अंकित ब्यानर सहित नेपालको झण्डा बोकेका थिए। उनीहरुले बोकेको ओलीको फोटो सहितको ब्यानरमा ‘देशको मुहार फेर्नु छ साथी, पार्टी भन्दा राष्ट्र माथि’ लेखिएको थियो। 

    प्रदर्शन गर्दै मोटरसाइकल र्‍यालीमा सहभागी युवाहरुले ‘सरकार ढाल्न पाइँदैन’ आज र भोलि केपी ओली, ‘पार्टी एकता जिन्दावाद’ विदेशी हस्तक्षेप चाहिँदैन कसैको उक्साहटमा चलखेल बन्द गर जस्ता नारा लगाएका थिए। 

    र्‍याली स्वतन्त्र युवा समाजको अगुवाइमा भएको हो। नेकपाका पर्सा अध्यक्ष प्रभु हजारा र संविधान सभा सदस्य राजकुमार गुप्ता लगायतका केही नेकपाका नेताहरु भने उनीहरुले गर्ने र्‍यालीमा भन्दा बढी मानिसको सहभागिता देखेर छक्क परेका थिए। उनीहरुले माइस्थान चोकबाट र्‍यालीको अवलोकन गरेका थिए। 

तुलसी भण्डारी

भण्डारी थाहा खबरका पर्सा समाचारदाता हुन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]