|

काठमाडौं : डेढ केजी सुनका गहना लगाएर दुबईबाट आएका भारतीय नागरिक त्रिभुवन विमानस्थलमा पक्राउ परेका छन्। त्रिभुवन विमानस्थल भन्सार कार्यलयले भारतीय नागरिक कश्यक कान्तिलाललाई पक्राउ गरेको हो।

३५ वर्षीय कान्तिलाल आइतबार दिउँसो १२ बजे एयर अरेबियाबाट त्रिभुवन विमानस्थलमा ओर्लिएका थिए। उनले आधा-आधा केजी सुनको दुईवटा सिक्री र आधा केजी सुनको बाला लगाएर आएको विमानस्थल भन्सार कार्यालय प्रमुख नारायण सापकोटाले जानकारी दिए।

'वाक थ्रू' मा जाँच गर्ने क्रममा भन्सार अधिकारीले कान्तिलाललाई नियन्त्रणमा लिएका थिए। सापकोटाले उनलाई हिरासतमा राखिएको र सोमबार बयान लिन सुरु गरिने जानकारी दिए। नेपालीले विदेशबाट आउँदा बढीमा ५० ग्रामसम्म सुनका गहना लगाएर आउनसक्ने प्रावधान छ। विदेशीका हकमा यो स्पष्ट छैन।

'तर विदेशीले आउँदा धेरै सुन लगाएर आउँदैनन्, यत्रो परिमाणमा सुनको गहना लगाएर आउनुचाहीँ शंकास्पद् छ,' भन्सार प्रमुख सापकोटाले भने।

सम्वन्धित समाचार

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.