कोभिड-१९ {अपडेट}

बाँकेमा फेरि बढ्न थाले काेराेना संक्रमित, एकै दिन थपिए ४९

साउन २३, २०७७

    बाँके : बाँकेमा थप ४९ जनामा कोरोना संक्रमण पुष्टि भएको छ। भेरी अस्पतालको पिसिआर ल्याबमा गरिएको स्वाब परीक्षणमा शुक्रवार थप ४९ जनामा कोरोना पुष्टि भएको अस्पतालले जनाएको छ। 

    शुक्रवार ४ बजेसम्म तीन सय १२ जनाको स्वाब परीक्षण गर्दा ५१ जनामा कोरोना देखिएको स्वास्थ्य कार्यालय, बाँकेका कोरोना फोकल पर्सन नरेशबाबु श्रेष्ठले बताए। तीमध्ये बाँकेका ४९ जना रहेको उनको भनाइ छ। 

    शुक्रबार फेला परेका संक्रमितमध्ये अधिकांश नेपालगन्जस्थित महेन्द्र बहुमुखी क्याम्पस क्वारेन्टाइनमा रहेको बताइएको छ। अधिकांश क्वारेन्टाइनका हुन्, तर नेपालगन्ज बजारका केहीमा पनि कोरोना पुष्टि भएको उनले स्पष्ट पारे। 

    यसैबीच, बाँकेका धमाधम कोरोना संक्रमित फेला पर्न थालेपछि शनिबारसम्म जारी निषेधाज्ञा मंगलबार रातिसम्म बढाइएको छ। कोरोना संक्रमित बढ्दै गएकोले निषेधाज्ञाको समय मंगलबार रातिसम्म बढाइएको प्रमुख जिल्ला अधिकारी रामबहादुर कुरुम्बाङले बताए।  
     

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]