काठमाडौं : जुगल गाउँपालिका २ लिदीमा गएको पहिरोको उद्धारका लागि उडेका सभामुख सापकोटा चौतारा झरेका छन्। सभामुख सापकोटा चौतारा झरेर हेलिकप्टरमा ४ जना सेना एक जना इन्जिनियर त्यसतर्फ पठाएको गाउँपालिका अध्यक्ष होमनारायण श्रेष्ठले बताए।
'लिदी पहिरो उद्धार लागि काठमाडौंबाट हेलिकोप्टरमा आएर सभामुख र म चौतारामा झरेका छौं', उनले भने, उद्धारकालागि पहिलो प्राथमिकता भएकाले घाइतेको उद्वार गर्न हेलिकप्टरमा सेना पठाएका हौँ।'
पहिरोले लामाटोलमा १३ घर पुरिएको उनले बताए। सो मध्ये ५ घरका व्यक्तिहरु सम्पर्कविहीन भएका जनाए। सम्पर्कविहिीन मध्ये १३ जना एकिन भएको छन्। १५ जना घाइतेहरु लप्सेचौरमा निस्किएका छन्। पहिरोबाट थप ३० घर प्रभावित भएको उनले बताए।
तपाईंको ईमेल गोप्य राखिनेछ ।