इप्रका गरुडाका डिएसपीलाई प्रदेशमा तानियो
इप्रका गरुडाका डिएसपीलाई प्रदेशमा तानियो
जनकपुरधाम : हिरासतभित्र विजय रामको मृत्यु भएको प्रकरणमा जिल्ला प्रहरी कार्यालय रौतहटका इन्स्पेक्टरसहित तीन प्रहरीलाई निलम्बन गरिएको छ।
प्रहरी निरीक्षक (इन्स्पेक्टर) नवीन सिंह तथा हवल्दारद्वय हिरोज मियाँ धुनिया र मत्रुकुमार सिंह निलम्बनमा परेका हुन्। इन्स्पेक्टर सिंहलाई प्रहरी प्रधान कार्यालय र हवल्दारद्वयलाई प्रदेश प्रहरी कार्यालयले निलम्बन गरेको २ नम्बर प्रदेश प्रहरी कार्यालयले जनाएको छ।
हिरासतमा विजयकाे मृत्युपछि गरुडा तनावग्रस्त, प्रहरी कार्यालय घेरे स्थानीयले |
इलाका प्रहरी कार्यालय गरुडाले निरञ्जन रामको हत्या अभियोगमा सात जनालाई पक्राउ गरेको थियो। जसमध्ये विजयलाई अनुसन्धानका क्रममा जिल्लाबाट खटेका इन्सपेक्टर सिंह र हवलदारद्वयले यातना दिएका थिए। यातनापछि नेशनल मेडिकल कलेज वीरगन्जमा भर्ना भएका रामको उपचारका क्रममा त्यहीँ मृत्यु भएको थियो।
हत्या आराेपमा समातिएका थिए, प्रहरी हिरासतमै गयाे ज्यान |
इलाका प्रहरी कार्यालय गरुडाका इन्चार्ज एवम् डिएसपी ज्ञानकुमार महतोलाई प्रदेश प्रहरी कार्यालयमा तानिएको छ। अहिले गरुडामा नयाँ डिएसपी नरेन्द्र कुँवरलाई पठाइएको छ।
तपाईंको ईमेल गोप्य राखिनेछ ।