दाङ : दाङमा गाडीको ठक्करबाट एक जनाको मृत्यु भएको छ।
पूर्व पश्चिम राजमार्ग अन्तर्गत राप्ती गाउँपालिका ८ पिपरीमा नम्बर नखुलेको गाडीको ठक्करबाट गढवा गाउँपालिका ३ का १८ वर्षीय प्रकाश कुँवरको मृत्यु भएको प्रहरीले जनाएको छ।
शुक्रवार बिहान करिब साढे २ बजे तिर गाडीले ठक्कर दिएको हुनसक्ने प्रहरीले अनुमान गरेको छ। ठक्करबाट घाइते भएका कुँवरको ढिलागरी मात्रै उद्दार भएको थियो।
बिहान ७ बजेर १५ मिनेटमा लमहीमा उपचारको क्रममा उनको मृत्यु भएको प्रहरीले जनाएको छ। ठक्कर दिने गाडीको खोजी भैरहेको इलाका प्रहरी कार्यालय भालुबाङले जनाएको छ।
तपाईंको ईमेल गोप्य राखिनेछ ।