काठमाडौं : पछिल्लो २४ घण्टामा काठमाडौं उपत्यकामा मात्रै ७११ जनालाई कोरोना संक्रमण भएको छ। देशभरमा गरिएको १० हजार ३ सय ३३ पीसीआर परीक्षणमा काठमाडौंमा ५ सय ७०, ललितपुरमा ५८ र भक्तपुरमा ८३ जना संक्रमित थपिएका हुन्। शनिबार देशभरमा १२ सय चार जनामा संक्रमण पुष्टि भएको छ।
स्वास्थ्य तथा जनसंख्या मन्त्रालयको तथ्यांकअनुसार हाल संस्थागत आइसोलेसनमा देशभरी ९ हजार १ सय ५३ जना संक्रमित उपचाररत छन्।
यसैगरी, होम आइसोलेसनमा ७ हजार ९ सय ७६ संक्रमित छन्। यस्तै आइसियुमा १ सय ७९ जना र भेन्टिलेटरमा ३५ जना संक्रमित उपचाररत रहेका छन्।
आज १ हजार ४ सय ४७ संक्रमित निको भएर घर फर्किएका छन। हालसम्म देशभर ४५ हजार २ सय ६७ संक्रमित निको भएर घर फर्किएका छन्।
तपाईंको ईमेल गोप्य राखिनेछ ।