मंसिर दोस्रो साता महाधिवेशन हुन्छ : शेखर गोल्छा
मंसिर दोस्रो साता महाधिवेशन हुन्छ : शेखर गोल्छा
काठमाडौं : गृह मन्त्रालयले नेपाल उद्योग वाणिज्य महासंघको साधारणसभा गर्न सहमति दिएको छ।
महासंघका वरिष्ठ उपाध्यक्ष शेखर गोल्छाले आगामी मंसिरमा महासंघको साधारणसभा एवं चुनाव गर्न गृह मन्त्रालयबाट सहमति प्राप्त भएको बताए।
गृह मन्त्रालयले विद्युतीय माध्यमबाट साधारणसभा गर्न र निर्वाचनको मतदान गर्दा एक पटकमा २५ जना भन्दा बढी जम्मा नहुने लगायत स्वास्थ्य तथा सुरक्षा मापदण्ड पूर्ण रुपमा पालना गर्ने गरी गर्न अनुमति दिएको गोल्छाले बताए।
यससँगै महासंघको चुनाव मंसिर दोस्रो साता हुने भएको छ। वरिष्ठ उपाध्यक्ष गोल्छाले अब छिट्टै नै साधारणसभा र चुनावको मिति तोकिने उनले बताए। गोल्छाले स्वास्थ्य मापदण्डको सम्बन्धमा सरकारले तत्कालिन समयमा जारी गरेका मापदण्डलाई पूर्ण रुपमा पालना गर्ने बताए।
'आवश्यक परेमा ३/४ वटा ठाउँबाट दुई दिनसम्म गरेर भए पनि चुनाव गर्छौं', उनले भने। महासंघले आगामी मंसिर दोस्रो साता साधारणसभा एवम् चुनाव गर्नका लागि गृह मन्त्रालयसँग स्वीकृति माग्दै पत्र पठाएको थियो ।
पत्रको जवाफ दिँदै मन्त्रालयले सरकारले जारी गरेको स्वास्थ्य सुरक्षाका मापदण्ड पूर्णरुपमा पालना गरी चुनाव गर्न सहमति दिएको हो। कोभिड-१९ का कारण देशभर लकडाउन हुँदा २०७६ चैत महिनामा हुनुपर्ने महासंघको महाधिवेशन रोकिएको थियो।
तपाईंको ईमेल गोप्य राखिनेछ ।