|

काठमाडौं : सरकारले कोरोना परीक्षण 'एन्टिजेन' किटमार्फत गर्ने भएको छ। नेशनल गाइडलाइन परिवर्तन गर्दै कोरोना परीक्षण 'एन्टिजेन' किट सुरु गरिएको मंगलबारको स्वास्थ्य मन्त्रालयको नियमित प्रेस ब्रिफिङमा  प्रवक्ता डा. जागेश्वर गौतमले बताए।

कोरोना संक्रमितको संख्या बढिरहेको अवस्थामा जनमानसमा संक्रमण पहिचान गर्नको लागि राम्रो विकल्प तथा छिटो र भरपर्दो हुनसक्ने डा. गौतम बताउँछन्। ‘एन्टिजेनबाट टेस्ट छिटो गर्न सकिन्छ, डा. गौतमले भने,‘ पिसिआर जस्तो लामो लाग्दैन। जनमानसमा संक्रमित पहिचान गर्नको लागि भरपर्दो उपाय हुनसक्छ।’

छिटो रिजल्ट चाहेको खण्डमा यो विधिबाट परीक्षण गर्न सकिन्छ। अस्पतालमा कुनै बिरामीको शल्यक्रिया गर्नुपर्ने भएमा यस विधिबाट परीक्षण गर्न सकिने उनले बताए।

पोजेटिभ आएमा पोजेटिभ विचार र नेगेटिभ आएमा नेगेटिभ विचार गरिने उनले जनाए। लक्षण देखिएन भने पिसिआर परीक्षण नगर्ने उनले सुनाए। लक्षण भएमा आइसोलेसनमा राखिने उनले जनाए।

धेरै भिडभाड हुने ठाउँ तथा सुरक्षाकर्मीको ब्यारेकमा 'एन्टिजेन' किटबाट परीक्षण गर्न सकिने डा. गौतमले बताए। सरकारले अहिलेसम्म चार पटकसम्म कोरोना परीक्षण गाइडलाइन परिर्वतन गरेको छ।

सम्वन्धित समाचार

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.