|

दार्चुला : भारतीय सीमा सुरक्षा बल (एसएसबी) र आइटिबिपी (इन्डिया टिबेट बोर्डर पुलिस) का महानिर्देशकहरूले कालापानी क्षेत्रको भ्रमण गरेका छन्।

एसएसबीका महानिर्देशक ज्योतिर्मय चक्रवर्ती र आइटिबिपीका महानिर्देशक एसएस देशवालले भारतीय क्षेत्र बुँदी, छियालेक, गर्ब्याङ र नेपाली अतिक्रमित भूमि गुन्जी र कालापानीको क्षेत्र भ्रमण गरेका हुन्।

उनीहरूले सो क्षेत्रमा भारतीय सुरक्षाकर्मीले निर्माण गरेका ब्यारेक तथा भौतिक पूर्वाधार संरचनाको निरीक्षण गरेका हुन्। हेलिकप्टरमार्फत उनीहरूले चीन र नेपालसँग जोडिएको क्षेत्र समेत अवलोकन गरेका भारतीय अखबार अमर उजालाले समाचार छापेको छ।

कार्तिक १ गते हेलिकप्टरमार्फत मुन्स्यारी पुगेका आइटिबिपी महानिर्देशक कार्तिक ३ गते देशबाल ४८ किलोमिटर हिँडेर चीनसँग जोडिएको अन्तिम पोस्टसम्म पुगेका सुरक्षा स्रोतले जानकारी दिएको छ।

उनीहरूले सबै क्याम्पमा रहेका आफ्ना सैनिकसँग भेटेका थिए।

सम्वन्धित समाचार

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.