महोत्तरी : मनरासिस्वा नगरपालिका–१ मा बिहीबार राति भतिजको कुटाइबाट गम्भीर घाइते काकाको मृत्यु भएको छ
६० वर्षीय खेलावन मण्डलको भतिजको कुटाइबाट मृत्यु भएको जिल्ला प्रहरी कार्यालयका प्रहरी उपरीक्षक टीकाबहादुर केसीले जानकारी दिए।
बिहीबार बिहान आपसी विवादमा भतिज ३५ वर्षीय विनोद मण्डलले काका खेलावनलाई कुटपिट गर्दा उनी गम्भीर घाइते भएका थिए। स्थानीय स्वास्थ्यचौकीमा उपचारपछि घर लगिएका उनको राति मृत्यु भएको प्रहरी उपरीक्षक केसीले बताए।
प्रहरीले कुटपिट गर्ने भतिज विनोदलाई पक्राउ गरिसकेको छ भने मृतक काका खेलावनको शव परीक्षणका लागि जिल्ला अस्पताल जलेश्वर पठाउने तयारी गरिरहेको जनाइएको छ।
तपाईंको ईमेल गोप्य राखिनेछ ।