काठमाडौं : बाँकेको भेरी अस्पतालमा रेमडेसिभर र प्लाज्माथेरापीबाट उपचार गराइरहेका दुई संक्रमित पुरुष मृत्यु भएको छ। दाङ तुलसीपुर उपमहानगरपालिकाका दुवै पुरुषको गएराति मृत्यु भएको अस्पतालका मेडिकल सुपरिटेन्डेड डा.प्रकाश थापाले जानकारी दिए।
तुलसीपुर उपमहानगरपालिका-११ का ४५ वर्षीय पुरुषलाई ३ गते कोरोना पुष्टि भएको थियो। उनलाई रेमडेसिभर र प्लाज्माथेरापीबाट उपचार गरिएको थियो। उनको गएराति ९ बजे मृत्यु भएको थियो।
त्यसैगरी, उपमहानगरपालिका-१६ का २६ वर्षीय पुरुषलाई ९ गते कोरोना पुष्टि भएको थियो। उनलाई पनि रेमडेसिभर र प्लाज्माथेरापीबाट उपचार गरिएको थियो। उनको गएराति सबा १२ बजे मृत्यु भएको थियो।
यो सँगै दाङमा कोरोना संक्रमणको कारण मृत्यु हुनेको संख्या ३० पुगेको छ। उपचारार्थ ४ सय ६६, संक्रमणमुक्त ३१ सय ६८ र कुल संक्रमित ३६ सय ६२ छन्।
तपाईंको ईमेल गोप्य राखिनेछ ।