काठमाडौं : प्रधानमन्त्री केपी शर्मा ओली गृह जिल्ला झापा पुगेका छन्। यती एयरलाइन्समार्फत उनी भद्रपुर विमानस्थल पुगेका हुन्। सत्तारूढ नेपाल कम्युनिस्ट पार्टी (नेकपा) दुई समूहमा विभाजन भएपछि प्रधानमन्त्री ओली पहिलो पटक गृहजिल्ला गएका हुन्।
झापा क्षेत्र नम्बर ५ मा चीन-नेपाल मैत्री औद्योगिक पार्क (चाइना–नेपाल फ्रेन्ड्शिप इन्डस्ट्रियल पार्क)को शिलान्यास कार्यक्रम छ। यो प्रधानमन्त्री ओलीकै निर्वाचन क्षेत्र पर्दछ।
औद्योगिक पार्क दमक नगरपालिका, गौरादह नगरपालिका र कमल गाउँपालिकामा बन्न लागेको छ। नेपालकै सबैभन्दा ठूलो पारदर्शी र प्रविधियुक्त पार्कको शिलान्यास गर्न ओली आउन लागेपछि उनको स्वागतका लागि ठाउँठाउँमा स्वागत गेट र कार्यक्रमस्थलमा विद्युत् सेवा र इन्टरनेट व्यवस्थापन गरिनुका साथै सुरक्षा व्यवस्था कडा बनाइएको छ।
तपाईंको ईमेल गोप्य राखिनेछ ।