लखनउ : भारतीय जनता पार्टीका नेता तथा कट्टर हिन्दुवादी छवि बनाएका योगी आदित्यनाथ उत्तर प्रदेशको मुख्यमन्त्री बन्ने भएका छन्। उनले स्थानीय समयअनुसार शनिबार दिउँसो २ बजेर १५ मिनेट जाँदा मुख्यमन्त्रीको सपथ लिनेछन्। शपथ कार्यक्रममा भारतीय प्रधानमन्त्री नरेन्द्र मोदी र भाजपा अध्यक्ष अमित शाह पनि उपस्थित हुनेछन्। आदित्यनाथ उत्तर प्रदेशमा मुख्यमन्त्री बन्ने पहिलो सन्यासी हुनेछन्।
योगी आदित्यनाथ किन ?
- उनी कट्टर हिन्दुवादी हुन्। भारतीय जनता पार्टीका फायर ब्रान्ड हुन्।
- मन्दिर आन्दोलनसँग जोडिएका नेता हुन्। राम मन्दिरको मुद्दा उठाउँछन्।
- भारतमा २०१९ मा लोकसेवा चुनाव हुँदैछ र अहिले विधानसभामा देखिएको ध्रुवीकरण त्यतिबेला पनि कायम रहनसक्ने बताइएको छ।
- यस चुनावमा उत्तर युपीदेखि पूर्वान्चलसम्म योगी आदित्यनाथले ठुलो प्रचार गरेका थिए।
- भाजापाले बहुमत पाएको छ। उ हिन्दुत्वको नारा स्थापित गर्न चाहन्छ।
- आदित्यनाथमाथि अहिलेसम्म भ्रष्ट्राचारको कुनै आरोप छैन्।
- गोरखपुरबाट उनी ५ वर्षसम्म सांसद् चुनिएका छन्।
- आरएसएसको नजिक मानिन्छन्। त्यसैले उनको नाममा सजिलै मोहर लाग्यो।
चुनौती के-के छन्?
- भारतको केन्द्र सरकारले ल्याएका सुकन्या योजना, जनधन योजना र उज्जवला योजनालाई लागु गर्नपर्ने चुनौती उनीसामु छ।
- यूपीमा व्याप्त नोकरशाही प्रवृत्तिमाथि लगाम लगाउनुपर्नेछ।
- हिन्दूहरुले उनीबाट गौहत्या रोक्ने,हिन्दुत्वको पलायन रोक्ने लगायतका आशा राखेका छन्।
- मुसलमानका मुद्दाहरुलाई पनि उनले हेर्नुपर्ने हुन्छ। जसका कारण मुसलमानहरुले आफु असुरक्षित महसुस नगरुन्।
- अति पिछडिएका दलितदेखि सबैको साथ लिएर हिड्नुपर्ने चुनौती छ किनकी अब उनी एउटा समुदाय नभएर सिंगो प्रदेशको प्रतिनिधित्व गर्दैछन्।
तपाईंको ईमेल गोप्य राखिनेछ ।