विश्व

१० हजार किलोको ३० फिट लामो अमेरिकी बम अफगानिस्तानमा खसालियो
SHARES

बैशाख १, २०७४

    अमेरिकाले अहिलेसम्मकै सबैभन्दा ठूलो गैरपरमाणु बम अफगानिस्तानमा खसालेको छ। आइएस आतंककारी बसेको सम्भावित स्थानलाई निशाना बनाएर बिहीबार राति बम खसालेको अमेरिकी सेनालाई उद्धृत गर्दै बिबिसीले लेखेको छ।

    अफगानस्तानको नंगरहार प्रान्तमा अमेरिकी सैनिक विमानले 'मदर अफ अल बम्स' नामक जिबियु ४३ बम खसालेको अमेरिकी रक्षा मन्त्रालयले जनाएको छ। सन् २००३ मा पहिलोपटक परीक्षण गरिएको उक्त बम यसअघि कहीँ पनि प्रयोग गरिएको थिएन। इरानमा आक्रमण गर्न बनाइएको भनिएको बम अफगानिस्तानमा प्रहार गरिएको हो। अफगानस्तानमा रहेका अमेरिकी सेना र आइएस आतंककारीबीच भएको लडाइँमा १ अमेरिकी सेनाको मृत्यु भएपछि अमेरिकाले बम हानेको हो।

    अमेरिकी रक्षा मन्त्रालय पेन्टागनले अफगानस्तानमा रहेका स्लामिक स्टेटका लडाकु रहेको भवन र सुरुङलाई लक्ष्य गरेर बम खसालिएको बताएको छ। ३० फिटभन्दा लामो बमको तौल ९ हजार ८ सय किलोग्राम रहेको छ।

    अमेरिकाले हमलामा परेर कतिजना लडाकु मारिए भन्ने पुष्टि नगरे पनि ठूलो संख्यामा आइएस लडाकु मारिएको एक स्थानीय अधिकारीले बताएको बिबिसीले लेखेको छ। जसमा आइएसका उच्च तहका नेताका भाइ पनि परेको बताइएको छ।

    अमेरिकी राष्ट्रपति कार्यालयका प्रवक्ता सान स्पाइकरले पनि अफगानस्तानमा बम खसालिएको बताएका छन्। स्पाइकरले भने, 'आइएसका सुरुङ र गुफाहरुलाई निशाना बनाएर बम खसालेका हौं, जहाँ आइएस लडाकु स्वतन्त्र रुपमा घुम्‍नलाई प्रयोग गर्थे। अमेरिकी सेना र अफगान सेनाका लागि ती ठाउँमा बम खसाल्नु सहज थियो।'

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]