गत वर्ष जस्तै
उसै गरी छाडेर गएको छ
झन् बूढो पारेर हामीलाई
– उही पुरानो सालले
र आजबाट सुरुवात भएको छ– नयाँ युगको।
भित्तामा झुण्डिएको क्यालेण्डर
बिस्तारै सुरक्षित झिकिएको छ
र बोकेर उल्लासपूर्वक
नवदुलहीझैँ
शृंगारिएर भित्रिएको छ घरमा
– एउटा नयाँ अनुहारको क्यालेण्डर।
फेरिएका छैनन्
दुरुस्तै छन्– उही पुराना हरेक चीज
जस्तो कि–
दिन
गते
बार
महिना
फेरिएको त वर्ष मात्र हो।
तपाईंको ईमेल गोप्य राखिनेछ ।