काठमाडौं : बाँकेको होलियामा गएराति भएको आगलागीमा परी एकै परिवारका तीन बालबालिकाको मृत्यु भएको छ। डुडुवा गाउँपालिका वडा नम्बर १ होलियामा राति १२ बजेतिर भएको आगलागीमा स्थानीय मुन्सिलाल मुराउका दुई छोरी र एक छोराको मृत्यु भएको जिल्ला प्रहरी कार्यालय बाँकेले जनाएको छ।
प्रहरीका अनुसार मृत्यु हुनेमा मुन्सीलालका छोरीहरु १० वर्षीया राधना र ८ वर्षीया सोनाम तथा ६ वर्षका छोरा पवनको मृत्यु हो। आगलागीबाट स्थानीयका ६ वटा घर र २ वटा गोठ जलेर नष्ट भएका छन्।
आगो लाग्नुको कारण खुल्न सकेको छैन। प्रहरी निरिक्षक वीरबहादुर थापा नेतृत्वको टोली घटनास्थल पुगेको जिल्ला प्रहरी कार्यालय बाँकेले जनाएको छ।
तपाईंको ईमेल गोप्य राखिनेछ ।