काठमाडौं : दुई दशकपछि हुन लागेको स्थानीय तहको निर्वाचन खर्च २० अर्ब रुपैयाँ पुग्ने भएको छ। २०७० सालमा भएको दोस्रो संविधानसभा निर्वाचनमा सुरक्षासहित ११ अर्ब १० करोड रुपैयाँ खर्च भएको थियो।
स्थानीय तह निर्वाचनका लागि भने अहिलेसम्म १८ अर्ब रुपैयाँ खर्च भइसकेको छ। अझै थप दुई अर्ब रुपैयाँ लाग्ने अनुमान सरकारको छ। 'अहिलेसम्म १८ अर्ब रुपैयाँ निकासा भइसकेको छ,' अर्थमन्त्रालय बजेट व्यवस्थापन महाशाखाका उपसचिव ईश्वरी अर्यालले बिहीबार भने, 'अझै दुई अर्ब लाग्ने अनुमान छ।'
अर्यालका अनुसार १८ अर्ब रुपैयाँमध्ये १० अर्ब २९ करोड रुपैयाँ चुनाव घोषणा भएलगत्ते निर्वाचन आयोगलाई निकासा दिइएको छ। बाँकी करिब ८ अर्ब रुपैयाँ सुरक्षा निकायका लागि दिइएको छ।
तपाईंको ईमेल गोप्य राखिनेछ ।