समाज

सुँगुर आतंकले जनकपुर नगरवासी हैरान
SHARES

जेठ ३, २०७४
    • गोविन्द महतो-

    जनकपुरधाम: विगत लामो समयदेखि धनुषाको सदरमुकाम तथा प्रदेश नं. २ को सम्भावित राजधानी जनकपुरधामको नगर क्षेत्रमा सुँगुर छाडा छोडिँदा नगरवासी हैरानी खेप्न बाध्य भएका छन्।

    एक लाख ५३ हजार ६१४ कुल जनसंख्या रहेको तथा ८५ दशमलब ९९ वर्गकिलोमिटर क्षेत्रफलमा फैलिएको जनकपु उपमहानगरपालिकाभित्र सुँगुर छाडा छाडिएका कारण यस क्षेत्रका सर्वसाधारणले दैनिक हैरानी पाइरहेका छन्। साथै नगरपालिकाले सुँगुर नियन्त्रण गर्नमा ध्यान नदिएकाले पनि नगरभित्रको मुख्य चोकमा सुँगुरले दिसा गर्ने र थुपारिएको फोहोरमा मुखले खनेपछि ठाउँठाउँमा दुर्गन्ध फैलिने गरेको पाइएको रामानन्द चोकका चिया पसले राजकुमार राउतले बताए।

    जनकपुरका मुख्य चोकहरू भानु चोक, शिवचोक, जानकीचोक, रामानन्द चोक, जिरोमाइल, भ्रमरपुराचोक, पुरानो बसपार्क, माछाबजारसहितका मानिसको चहलपहल बढी हुने ठाउँमा जताततैबाट सुँगुर आएर दिसा गर्नाले झन् नगरमा दुर्गन्ध फैलिएको नगरवासीले गुनासो गरेका छन्।

    वर्षौंदेखि यत्रतत्र सुँगुरले नगरमा सर्वसाधारणलाई हैरान पार्दै दुर्गन्ध फैलाउँदासमेत यसप्रति नगरपालिकाले कुनै ध्यान नदिएको नगरवासीको आरोप छ। सुँगुरपालकले सुँगुरलाई आफ्नो खोरमा नराखेकाले पनि जनकपुर नगरमा सुँगुर आतंक बढ्दै गएको सर्वसाधारणले गुनासो गरेका छन्। साथै जहाँतहाँ सुँगुरले फोहोर गर्नाले नगरमा रोगको संक्रमण फैलिने सम्भवना देखिएको स्थानीयको भनाइ छ।

    यसप्रति सम्बन्धित निकायले ध्यान नदिई सुँगुरबाट दुर्गन्ध फैलिएर लामखुट्टेको संख्यामा वृद्धि हुँदा साँझ परेदेखि नै लामखुट्टेले टोक्ने गरेको जनकपुर उपमहानगरपालिका- १४ की सुनिता सिहंले बताइन्।

    लामखुट्टेको टोकाइबाट मलेरिया जस्ता रोग लाग्न सक्छ। जनकपुरका गल्ली–गल्लीमा बस्ने सर्वसाधारण जनतालाई मात्र नभई अधिकांश सरकारी कार्यालयमा समेत सुँगुर पसेर कामकाजका लागि आउने सेवाग्राहीलाई हैरान पार्ने गरेको एक सेवाग्राहीले बताए।

    यसैबीच जनकपुर उपमहानरपालिकाको नगर क्षेत्रमा बढेको सुँगुर आतंकबारे सर्वसाधारण जनताबाट गुनासो आएपछि धनुषाका प्रमुख जिल्ला अधिकारी दिलीपकुमार चापागाईंले सुँगुर छाडा छोडेका कारण यहाँका जनताले भोग्नुपरेको समस्या नियन्त्रणका लागि सबैतिरबाट प्रयास भइरहेको बताए।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]