स्थानीय निर्वाचन २०७४ : निर्वाचन खबर

पर्वतको कुस्मामा कांग्रेस र मोदीमा एमालेको जीत
SHARES

जेठ ४, २०७४

    पर्वतः पर्वतको कुस्मा नगरपालिकाको प्रमुख र उपप्रमुख दुवै पदमा नेपाली कांग्रेस विजयी भएको छ। यस नगरपालिकाबाट प्रमुखमा रामचन्द्र जोशी र उपप्रमुखमा सीता काफ्ले लामिछाने विजयी बनेका हुन्। 

    जोशीले आफ्ना प्रतिद्वन्द्वी नेकपा एमालेका मेघनाथ सुवेदीलाई ८१८ मतान्तरले पराजित गरेका हुन्। जोशीले आठ हजार ५७ मत प्राप्त गर्दा सुवेदीलाई सात हजार २३९ मत मात्र प्राप्त भयो। 

    यसैगरी उपप्रमुखमा लामिछानेले प्रतिद्वन्द्वी एमालेकी मुवा पोखरेललाई एक हजार ३९६ मतले पराजित गरिन्। लामिछानेलाई आठ हजार ४१९ मत प्राप्त हुँदा पोखरेलको पक्षमा सात हजार २३ मत मात्र प्राप्त भयो। 

    उता, मोदी गाउँपालिकाको अध्यक्ष र उपाध्यक्ष दुवै पदमा एमालेले बाजी मारेको छ। उक्त गाउँपालिकाको अध्यक्षमा प्रेम पौडेल र उपाध्यक्षमा सेती महत निर्वाचित भएका छन्। पौडेल पाँच हजार ६४३ मत र महत पाँच हजार ३९६ मत ल्याउँदै विजयी बनेका हुन्। 

    परिणामसँगै सातओटा स्थानीय तह रहेको पर्वत जिल्लाको मत गणना सकिएको छ। यहाँ चारओटा तह फलेवास नगरपालिका, मोदी गाउँपालिका, बिहादी गाउँपालिका र महाशिला गाउँपालिकामा एमालेले आफ्नो जीत दर्ता गरेको छ भने कुस्मा नगरपालिका, पैयूँ गाउँपालिका र जलजला गाउँपालिकामा कांग्रेस विजयी बनेको छ। 

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]