राजनीति

प्रदेश नम्बर ७ मा स्थगित भएको मतदाता शिक्षा कार्यक्रम पुनः सञ्चालन
SHARES

जेठ ५, २०७४

    डडेल्धुरा : प्रदेश नम्बर सातका ९ वटै जिल्लामा स्थगित गरिएको मतदाता शिक्षा कार्यक्रम पुनः सञ्चालन भएको छ। वैशाख १२ गतेदेखि स्थगित गरिएको मतदाता शिक्षा कार्यक्रम शुक्रबार (आज) देखि पुनः सुरु भएको हो। सरकारको दुई चरणमा स्थानीय तहको निर्वाचन गर्ने निर्णयअनुसार प्रदेश नम्बर सातमा जेठ ३१ गते निर्वाचन हुने भएपछि मतदाता शिक्षा कार्यक्रम स्थगित गरिएको थियो। उक्त स्थगित कार्यक्रम आजबाट सबै जिल्लाहरुका सुरु गरिएको क्षेत्रीय निर्वाचन कार्यालय कैलालीले जनाएको छ।

    मतदाताहरुको घरदैलोमै गएर मतदाता शिक्षा प्रदान गर्न आजदेखि प्रदेश नम्बर सातका नौ वटै जिल्लामा १ हजार ७ सय ९० जना मतदाता शिक्षा कार्यकर्ता परिचालन गरिएको छ।

    उक्त कार्यक्रमका लागि डडेल्धुरामा १ सय १८, बैतडीमा १ सय ८७ जना मतदाता शिक्षा कार्यकर्ता परिचालित गरिएको छ। यस्तै उता कैलालीमा सबैभन्दा बढी ४ सय ९० र सबै भन्दा कम बाजुरामा बाजुरा ६९ जना मतदाता शिक्षा कार्यकर्ता परिचालन गरिएको छ।

    डोटीमा एक सय ५९ जना, अछाम १ सय ८९ जना मतदाता शिक्षा कार्यकर्ता परिचालित गरिएको जिल्ला निर्वाचन कार्यालयहरुले जनाएका छन्। यस्तै कञ्चनपुरमा २ सय ९३ जना, दार्चुला १ सय २७ जना र बझाङ १ सय ५८ जनालाई मतदाताहरुको घरमै गएर चुनावमा मतदान कासरी गर्ने बारेमा जानकारी गराउनको लागि परिचालित गरिएको क्षेत्रीय निर्वाचन कार्यालय कैलालीका निर्वाचन अधिकारी मोहन प्रसाद अर्यालले जनाकारी दिएका छन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]