पाल्पा : पाल्पाको निस्दी गाउँपालिका–४ भिरपानीमा जङ्गली च्याउ खाँदा मृत्यु हुनेको सङ्ख्या दुई पुगेको छ।
लुम्बिनी मेडिकल कलेज, प्रभासमा उपचारको क्रममा सोमबार साँझ ४५ वर्षीया रिखिसरा गाहाको मृत्यु भएको जिल्ला प्रहरी कार्यालय पाल्पाले जानकारी दिएको छ। यसअघि उपचारको क्रममा आइतवार राति ४ वर्षीय रुपेश गाहाको मृत्यु भएको थियो।
शुक्रबार बिहान घर नजिकैको जङ्गलबाट खोजेर ल्याएको च्याउ खाँदा बिरामी परेकामध्ये २१ वर्षीया इनमाया गाहा लुम्बिनी मेडिकल कलेज, प्रभासमा उपचार गराइरहेकी छिन्।
तपाईंको ईमेल गोप्य राखिनेछ ।