राजनीति

शुक्रबारबाट बेपत्ता नेता राईको खोजीमा प्रशासन गम्भीर नभएको माओवादीको आरोप
SHARES

असार ५, २०७४

    इलाम : इलाम नगरपालिका–१२ मा वडा अध्यक्षको उम्मेदवारका रुपमा छनोटमा परेका नारायण राई बेपत्ता भएको ४ दिन बितिसक्दा पनि खोजी कार्यमा प्रशासनले उचित ध्यान नदिएको भन्दै नेकपा माओवादी केन्द्रले आपत्ति जनाएको छ।

    पार्टीबाट वडा अध्यक्षको टिकट पाएका राई शुक्रबार अपराह्न ४ बजेदेखि सम्पर्कविहीन छन्। उनी सम्पर्कविहीन भएपछि माओवादीले सोममाया राई (सिन्धु) लाई वडा अध्यक्षको उम्मेदवार बनाएको छ। 

    सोमबार इलाम सदरमुकाममा पत्रकार सम्मेलन गर्दै माओवादी केन्द्रले बेपत्ता राईको खोजी कार्यमा प्रशासनले ढिलासुस्ती गरेको आरोप लगायो। अन्य पार्टीका प्रतिस्पर्धीले मनोनयनको मिति छल्न अपहरण गरेको हुुनसक्ने माओवादी इलामका संयोजक सिन्धु राईद्वारा हस्ताक्षरित विज्ञप्तिमा जनाइएको छ।

    गत शनिबार आयोजित आमसभाको तयारीका लागी भनेर शुक्रबार अपराह्न घरबाट निस्किएका राई हालसम्म पनि सम्र्पकमा नरहेको माओवादीले जनाएको छ।

    राईको खोजीका लागी प्रहरी र निर्वाचन कार्यालयलाई जानकारी गराइएको इलाम नगरपालिका प्रमुखका उम्मेदवार छविलाल आर्चाय (प्रवाश शर्मा) ले बताए। राईको खोजीमा प्रशासन गम्भीर नभए मंगलबारबाट वाईसीएल परिचालन गरिने वाईसीएल इलामका सचिव विक्रम लिम्बुले बताए।

नमिन ढकाल

ढकाल थाहाखबरका इलाम संवाददाता हुन्। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]