|

गाईघाट : केही दिनअघि  वैदेशिक रोजगारीको सिलसिलामा साउदी अरब पुगेका उदयपुरका १७ युवा अलपत्र परेका छन्। 

 काठमाडौंको सिनामंगलमा रहेको साउनलाइन्स रिक्रुटमेन्ट सर्भिस मेनपावरको गाईघाटस्थित शाखाका सञ्चालक नेत्र लिम्बू र रेश्मा लिम्बूमार्फत तीन साताअघि साउदी अरब पुगेका १७ जना युवा अहिले बिचल्लीमा परेको एक पीडितका दाजु होमराज राईले जानकारी दिएका छन्। 

साउदीमा बिचल्ली हुनेहरूमा उदयपुरका गोविन्द खड्का, होमबहादुर खड्का, युवराज थापा, राजन कार्की, रुद्र बस्नेत, तेजबहादुर कटुवाल, वसन्त राई, दुर्गानारायण श्रेष्ठ, तेजबहादुर कटुवाल, उमेश खड्का, युवराज कार्की, सोभित राई, तोपबहादुर मगर, मोहन राई, मनोज राई, मातृका घिमिरेसहितका युवा रहेका पीडितका आफन्तले बताए। 

प्रतिव्यक्ति एक लाख रुपैयाँका दरले रकम लिएर युवालाई गाईघाटका म्यानपावर सञ्चालक लिम्बू दम्पतीले साउदी पठाए पनि साउदी पुगेका युवाले सम्झौताअनुसार काम नपाएको र अहिले बिजोग अवस्थामा होटलमा बसेको राजन कार्कीका दाजु सरोज कार्कीले जानकारी दिए। 

म्यानपावर सञ्चालक लिम्बूद्वय भने सम्पर्कविहीन अवस्थामा रहेको पनि पीडितका आफन्तहरुले बताए।

 

सम्वन्धित समाचार

तपाईको प्रतिक्रिया दिनुहोस्

तपाईंको ईमेल गोप्य राखिनेछ ।
This site is protected by reCAPTCHA and the Google Privacy Policy and Terms of Service apply.