फिचर

राष्‍ट्रिय नाचघरमा समलिंगी तेस्रोलिंगीको नाच, फोटोहरू
SHARES

असार ११, २०७४

    काठमाडौं : काठमाडौंको राष्ट्रिय नाचघरमा आइतबार यौनिक तथा लैंगिक अल्पसंख्यकहरूको नृत्य प्रतियोगिता भएको छ। समलिंगी तेस्रो लिंगीहरूको सामाजिक अन्तरघुलनका लागि कार्यक्रम गरिएको आयोजक ब्यु डायमन्ड सोसाइटीले जनाएको छ। 

    नृत्य प्रतियोगितामा काठमाडौंको पञ्चबुद्ध नृत्य, महोत्तरीको मैथिली धान नाच, तामाङ नाच, पोखराको झ्याउरे, वीरगञ्जको भोजपुरी, दाङको थारु, कैलालीको देउडा नाच लगायत विभिन्न जाति र संस्कृतिका नाचहरू प्रस्तुत गरिएका थिए।

    नेपालका समलिंगी तेस्रोलिंगीहरूले संवैधानिक अधिकार पाएपनि त्यसअनुसार समाजको व्यवहारमा सुधार हुन नसकेको सोसाइटीकी अध्यक्ष पिंकी गुरुङले बताइन्। 'हामीलाई सामाजिक र सांस्कृतिक क्षेत्रमा उपहासको पात्र बनाइएको छ', उनले भनिन्, 'त्यो असमानता हटाउन र हामी सामाजिक तथा सांस्कृतिक रुपले अगाडि छौं भन्ने देखाउन तथा सामाजिक अन्तरघुलन गर्न सांस्कृतिक नृत्य प्रतियोगिता गरेका हौं।' समलिंगी तेस्रोलिंगी पनि समाजकै सदस्य भएकोले समाजले आफूहरुप्रतिको दृष्टिकोण बदल्नुपर्ने उनले बताइन्।

    नयाँ शक्ति पार्टी, नेपालकी नेतृ हिसिला यमीले यौनिक विविधता भएकालाई नेपाली समाजले लुकाउने गरेको बताइन्। उनले भनिन्, 'विविध यौनिकता भएका व्यक्तिलाई हाम्रो समाजले छोप्ने प्रयास गरिरहेको छ', उनले भनिन्, 'सांस्कृतिक पक्षमा उनीहरुको भूमिका अहम रहेको छ।'

    नृत्य प्रतियोगितामा १८ जिल्लाका १५० भन्दा बढी समलिंगी तेस्रोलिंगी कलाकारको सहभागिता रहेको छ।

    हेर्नुस् फोटोहरूः

दिपक केसी

दीपक केसी फोटो पत्रकार हुन्। 

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]