सुनसरी : सोमबारसम्म नतिजा सार्वजनिक भएका सुनसरीका तीन स्थानीय तह मध्ये नेपाल लोकतान्त्रिक फोरमले दुई तहमा जित हात पारेको छ। लोकतान्त्रिक फोरमले सुनसरीको दुहवी र बर्जु गाउँपालिकामा विजय हासिल गरेको हो।
निर्वाचन कार्यालय सार्वजनिक गरेको नतिजा अनुसार दुहवी नगरपालिकामा नेपाल लोकतान्त्रिक फोरमका प्रमुखका उम्मेदवार वेदनारायण गच्छदार सात हजार ४२० मत प्राप्त गरी विजयी भएका छन् भने उपप्रमुखमा सोही पार्टीका सुनिता दाहाल शाह ६ हजार ६८३ मत प्राप्त गरी विजयी भएका छन्।
गच्छदारका निकटतम प्रतिद्वन्द्वी नेपाली कांग्रेसका गौरीशङ्कर रौनियारले ५ हजार ६१५ मत प्राप्त गरे भने कांग्रेसकै उपपमुखका उम्मेदवार कल्पना कार्कीले ५ हजार ६० मत प्राप्त गरिन्।
दुहवी नगरपालिकाका नव निर्वाचित वडाध्यक्षहरूः
सोमबार नै सावैजनिक भएको बर्जु गाउँपालिकाको नतिजाअनुसार अध्यक्षमा लोकतान्त्रिक फोरमका रघुनन्दन चौधरीले ४ हजार ७३४ मत तथा सोही पार्टीका उपाध्यक्षका उम्मेदवार सङ्गीताकुमारी रायले चार हजार ६२२ मत प्राप्त गरी विजयी भएका छन्।
उनीहरुका निकटतम प्रतिद्वन्द्वी नेकपा एमालेका अध्यक्षका उम्मेदवार फनिलाल चौधरीले तीन हजार ६९२ मत र उपाध्यक्षमा उम्मेदवार सोमकुमारी गुरुङ रायले तीन हजार ३६८ मत ल्याएका थिए।
बर्जु गाउँपालिकाको नव निर्वाचित वडाध्यक्षहरूः
त्यसैगरी भोक्राहा गाउँपालिकाको अध्यक्षमा सङ्घीय समाजवादी फोरम नेपालका महेन्द्रप्रसाद यादव विजयी भएका छन्। नेपाली कांग्रेसका अजमल अख्तर अजादलाई एक हजार ५३५ मत अन्तरले पराजित गर्दै उनी विजयी भएका हुन्।
यादवले तीन हजार ५२८ मत प्राप्त गरेका छन् भने उनका निकटतम प्रतिद्वन्द्वी कांग्रेसका अजमल अख्तर अजादले एक हजार ९९३ मत प्राप्त गरेको निर्वाचन अधिकृत पिताम्बर गौतमले जानकारी दिए।
उपाध्यक्षमा सङ्घीय समाजवादी फोरमकै पुनमकुमारी मेहता विजयी भएकी छन्। उनले तीन हजार ३४३ मत ल्याइन्। उनले कांग्रेसकी अञ्जु मेहतालाई एक हजार ३८ मत अन्तरले पराजित गरिन्।
भोक्राहा गाउँपालिकाका नव निर्वाचित वडाध्यक्षहरूः
दुहवी नगरपालिका, वर्जु र भोक्राहा गाउँपालिकाका नव निर्वाचित पदाधिकारीलाई सोमबार नै सपथ गराइएको छ।
तपाईंको ईमेल गोप्य राखिनेछ ।