सोलुखुम्बु : भालुको आक्रमणबाट सोलुखुम्बुमा एकजना घाइते भएका छन्। दूधकोसी गाउँपालिका ३ का ५५ वर्षीया पुर्णबहादुर कार्की भालुको आक्रमणमा परी घाइते भएका हुन्। घरनजिकैको पाखामा सोतर काट्न गएका कार्कीलाई आइतबार दिउँसो दुई बजे भालुले आक्रमण गरेको स्थानीय भेषराज पौडेलले जानकारी दिए।
घाइते कार्कीको अनुहार र टाउँकोमा गहिरो चोट लागेको छ। घट्नास्थलनजिकै अरु पनि मानिस रहेकाले तत्काल उद्धार भएको र बचाउन सकिएको पौडेलले बताए। घाइते कार्कीको बासा स्वास्थ्य चौकीमा पचार भइरहेको छ। केही दिन अगाडिदेखि त्यस क्षेत्रमा भालुले कृषकले लगाएको मकै खाएर स्थानीयलाई सताउने गरिरहेको थियो।
तपाईंको ईमेल गोप्य राखिनेछ ।