राजनीति

जाजरकोट जिल्ला समन्वय समितिमा कांग्रेस र माओवादीको तालमेल, एमाले एक्लै
SHARES

साउन १६, २०७४

    जाजरकोट : जिल्ला समन्वय समिति गठनका लागि हुने निर्वाचनमा नेपाली कांग्रेस र  नेकपा माओवादी केन्द्रबीच तालमेल भएको छ। साउन १८ गते हुने जिल्ला समन्वय समितिको निर्वाचनमा कांग्रेस, माओवादी केन्द्रले संयुक्त उम्मेदवारी दिएका छन्।

    जिल्ला समन्वय समितिमा माओवादी केन्द्रले प्रमुख सहित ४ जना तथा नेपाली कांग्रेसले उपप्रमुख सहित ५ जना सदस्य लिने सहमति भएको कांग्रेसका जिल्ला सभापति दीपकजंग शाहले बताए।

    माओवादी केन्द्रबाट प्रमुखमा त्रिवेणी नलगाड नगरपालिकाका मनबहादुर रावल, खुल्ला सदस्यमा जुनिचाँदे गाउँपालिकाका वीरबहादुर रावत,  महिला सदस्यमा कुशे गाउँपालिकाबाट सरस्वती विष्ट र छेडागाड नगरपालिकाका गरिमा शाही रहेका छन्।

    नेपाली कांग्रेसका तर्फबाट उप प्रमुखमा भेरी नगरपालिकाका ज्ञानीप्रसाद शर्मा,  खुल्ला सदस्यमा भेरी नगरपालिकाकै तेजविक्रम शाह, कुशे गाउँपालिकाका कल्दर सिंह, दलित अल्पसंख्यकमा कुशे गाउँपालिकाका जनकबहादुर वादीले मनोनयन दर्ता गराएको सभापति शाहले जानकारी दिए।

    त्यस्तै नेकपा एमालेले पनि जिल्ला समन्वय समितिमा एकल उम्मेदवारी दिएको छ। एमाले तर्फबाट प्रमुखमा भेरी नगरपालिकाका गौरीबहादुर कार्की, उप प्रमुखमा जुनिचाँदे गाउँपालिकाकी कमला शाही, खुल्ला सदस्यमा वारेकोट गाउँपालिकाका भक्तबहादुर बस्नेत, त्रिवेणी नलगाड नगरपालिकाका भीमबहादुर मल्ल र जुनिचाँदे गाउँपालिकाका गणेशप्रसाद शर्माले उम्मेदवारी दर्ता गराएका छन्। एमालेबाटै महिला सदस्यमा त्रिवेणी नलगाड नगरपालिकाकी लक्ष्मी विक, छेडागाड नगरपालिकाका ज्ञान रावत, भेरी नगरपालिकाका सीता बस्नेत तथा दलित अल्पसंख्यकमा कुशे गाउँपालिकाका कामी विकले मनोनयन दर्ता गराएको जिल्ला नेता कमानबहादुर खड्काले जानकारी दिए।

    १४ मतदाता रहेको जिल्ला समन्वय समितिमा नेकपा एमालेबाट ६ जना, माओवादी केन्द्रबाट ५ जना र नेपाली कांग्रेसबाट ३ जना मतदाता रहेका छन्। ७ वटा स्थानीय तह रहेको जाजरकोटमा एमालेले ३ तहमा प्रमुख र उप प्रमुख, माओवादीले २ तहमा प्रमुख र उप प्रमुख र एक तहमा उप प्रमुख जितेको थियो। नेपाली कांग्रेसले भने एक तहमा प्रमुख र उपप्रमुख तथा एउटामा प्रमुख जितेको थियो।

दिपेन्द्र शर्मा

दीपेन्द्र शर्मा थाहाखबरका जाजरकोट सम्वाददाता हुन्। 

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]