प्रदेश
जिल्लाः
निर्वाचन क्षेत्र
पार्टी

मनोरञ्जन

शरणार्थी युवाले ल्याए ‘इन्द्रेणी’
SHARES

साउन २०, २०७४

    दमकः भुटानी शरणार्थी युवा दियालो सुशन माझीले आफ्नो पहिलो गीतसंग्रह ‘इन्द्रेणी’ बजारमा ल्याएका छन्।

    हाल अमेरिकामा बस्दै आएका गीतकार माझीले आफ्नो पहिलो एल्बम इन्द्रेणी बजारमा ल्याएका हुन्। गीतकार माझीको यस एल्बममा लोकप्रिय गायक/संगीतकारका प्रतिभा समेटिएका सातओटा गीत रहेका छन्। तीमध्ये छओटा अमेरिकामै बसोवासको क्रममा सिर्जना गरेका हुन् उनले।

    शुक्रबार दमकमा आयोजित पत्रकार भेटघाटमा सुशनले बेलडाँगी– ३ बाट दुई वर्षअघि अमेरिकाको टेक्सास पुगेका उनका गीतमा चल्तीका गायक गायिकाको स्वरलाई समावेश गरिएको बताए। उनको एल्बममा राजेशपालय राई, मेलिना राई, धर्मेन्द्र सेवान तथा रामबाबु राईको स्वर छ। 

    यस्तै, ताराप्रकाश लिम्बूले दुइटा गीतमा स्वर र संगीत भरेका छन्। एल्बममा समावेश गीतमा सुरेश अधिकारी, उत्तमजंग लिम्बू, अम्बर तुम्बापो लिम्बू, रामबाबु राई तथा राईमान राईको संगीत रहेको छ। पहिलो एल्बममै वरिष्ठ संगीतकार तथा गायक गायिकाको साथ पाएर आफू उत्साही भएको उनले बताए। 

    उनका अनुसार एल्बममा आधुनिक गीतहरू समावेश गरिएको छ। उनले अमेरिका बसे पनि सधैँ नेपाली गीत संगीतमा लागिरहने बताए। उनले नेपालसँगको भावनात्मक सम्बन्ध भएको समेत बताए।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]