प्रदेश
जिल्लाः
निर्वाचन क्षेत्र
पार्टी

साहित्य

विजयराज शर्माको ‘भास’ सार्वजनिक
SHARES

साउन २२, २०७४

    काठमाडौँः उपन्यासकार विजयराज शर्माद्वारा लिखित उपन्यास ‘भास’ शनिबार काठमाडौँमा सार्वजनिक गरिएको छ। 

    उपन्यासमाथि बोल्दै आख्यानकार नयनराज पाण्डेले भने, ‘उपन्यासको प्रमुख पात्र परिस्थितिले जेलिएर, सारा गुमाएर विदेशमा भासिएको छ। उसको शरीर मात्र अमेरिकामा छ हरतरहले मन जन्मभूमितिर तानिइरहन्छ, ऊ सधैँ नोस्टाल्जिक भइरहन्छ।’ पाण्डेले यसले मातृभूमिप्रतिको उनको जिम्मेवारीबोध दर्शाउने बताए।

    त्यसैगरी अर्का वक्ता तथा आख्यानकार नीलम कार्की ‘निहारिका’ले उपन्यासमा कतिपय अवस्थामा आफैँलाई भेटेको बताइन्। ‘यसमा सांस्कृतिक र सामाजिक रूपले प्रवासिनुपर्दाका बाध्यताको चित्रण गरिएको छ’, उनले भनिन्, ‘पुँजीवाद र अर्थतन्त्रको प्रभाव स्वरूप अहिलेको नेपाली समाजमा हरेक घरबाट मान्छे विदेसिनु सामान्य जस्तै भइसकेको छ। शर्माजीको भासले यसको सामाजिक र राजनीतिक समाधान खोजिनुपर्छ भन्ने आग्रह राख्छ।’ 

    पुस्तकमाथि बोल्दै राधेश्याम लेकालीले साढे दुई दशकदेखि कोलोराडोमा बस्दै आएका विजयराज शर्मा अर्थशास्त्रका प्राध्यापक भएका र उनले ‘भास’ उपन्यासमा विदेश बसाइको मनोदशा, बोलीचाली र प्रतिक्रियालाई जस्ताको तस्तै उतारेको बताए। ‘यो किताबलाई त्यहीँका स्थानीयवासीले पनि पढ्न सक्ने भाषामा अनुवाद गर्नुपर्ने जरुरी देखेको छु’, उनले भने।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]