राजनीति

जिसस झापामा एमालेले लगायो उम्मेदवारको टुंगो
SHARES

साउन २८, २०७४

    दमक : ३१ साउनमा हुने जिल्ला समन्वयन समिति झापाको प्रमुखका लागि नेकपा एमालेले प्रमुख र उपप्रमुख टुंगो लगाएको छ। एमाले झापा अध्यक्ष चिन्तन पाठकका अनुसार जिल्ला समन्वयन समितिको प्रमुखका लागि दलित आन्दोलनका अगुवा नेता सोमनाथ पोर्तेललाई अघि सारेको छ। यस्तै, उपप्रमुखमा मीना पराजुलीलाई अघि सारिएको अध्यक्ष पाठकले बताए।

    उनले पार्टीको स्थायी कमिटी बैठकले उनीहरुलाई सिफारिस गरेको बताए। जिल्ला समन्वयन समितिमा एमालेको लगभग जित निश्चित देखिएको छ। १५ वटा स्थानीय तहका प्रमुख र उपप्रमुख गरी ३० जना मतदाता रहेको झापामा एमालेको पक्षमा १९ जना छन्।

    यस्तै, राप्रपाका ४ र कांग्रेसका ७ जनाले मतदान गर्ने बताइएको छ। जिल्लामा कांग्रेस र राप्रपा मिले पनि आफूहरुको जित निश्चित भएको पाठक बताउँछन्। उनी भन्छन्, ‘हाम्रो पक्षमा १९ जना छन्, राप्रपा र कांग्रेस मिल्दा पनि ११ मत मात्र हुन्छ त्यसैले हाम्रो जित निश्चित हो।’

    यसबैबीच, अहिलेसम्म जिल्ला राप्रपा र कांग्रेसले जिल्ला समन्वय  समितिमा उम्मेदवार टुंगो लगाएको छैन। कांग्रेस र राप्रपाको उम्मेदवार चर्चामा समेत आएको छैन। 

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]