प्रदेश
जिल्लाः
निर्वाचन क्षेत्र
पार्टी

समाज

३६ घण्टा बित्दा पनि सञ्चालनमा आउन सकेन पूर्व–पश्चिम राजमार्ग
SHARES

साउन २९, २०७४

    नवलपरासी : लगातारको वर्षाका कारण नवलपरासीको विनयी–त्रिवेणी गाउँपालिका वडा–२ स्थित दाउन्नेमा पहिरो खसेपछि अवरुद्ध पूर्व–पश्चिम राजमार्ग अझै सञ्चालनमा आउन सकेको छैन।

    अवरुद्ध भएको ३६ घण्टाभन्दा बढी भइसक्दा पनि बाटो नखुलेका कारण यात्रुहरू मारमा परेका छन्। बर्दघाटदेखि सुनवलसम्म २५ किलोमिटर र डण्डादेखि दुम्कीबाससम्मको २५ किलोमिटर सडक सवारी जाममा परेको छ। विशेषगरी जंगल क्षेत्रमा फसेका यात्रुहरूलाई खानपानमा समस्या भएको छ।

    दाउन्नेमा खसेको पहिरो हटाइए पनि सडक भासिएका कारण सवारी साधन सञ्चालनमा आउन सकेका छैनन्। डोजर लगाएर हटाइएका ठाउँमा पहिरो खस्ने क्रम जारी रहेको जिल्ला ट्राफिक प्रमुख प्रहरी निरीक्षक धमेन्द्र रावलले जानकारी दिए।

    शुक्रबार राति ८ बजे पहिरो गएपछि पूर्व–पश्चिम राजमार्ग अवरुद्ध भएको छ। ७ मिटर जति सडक भासिएकाले पहिरो पन्छाएर पनि बाटो खुल्न सक्ने अवस्था नरहेको  इलाका प्रहरी कार्यालय बर्दघाटका प्रहरी निरीक्षक टेक रावतले बताए।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]