समाज

सडक छेउको बारमा मोटरसाइकल ठोकिँदा चालकको मृत्यु
SHARES

साउन २९, २०७४

    सिन्धुली : बीपी राजमार्ग अन्तर्गत सिन्धुलीको खुर्कोट नेपालथोक सडक खण्डको रिठ्ठेभीर नजिक मोटरसाइकल दुर्घटना हुँदा एक युवकको मृत्यु भएको छ।

    काठमाडौंबाट धनुषातर्फ जाँदै गरेको बा ४८ प ५६४६ नम्बरको मोटरसाइकलमा सवार धनुषाका २६ वर्षीय प्रदीप दुलालको तीव्र गतिका कारण दुर्घटना भएर मृत्यु भएको सिन्धुलीका प्रहरी नायव उपरीक्षक सुवासचन्द्र बोहराले जानकारी दिए।

    सडक छेउमा रहेको पिल्लर (बार) मा ठोक्किएर दुलाल सडकबाट ३५ मिटर तल खसेका थिए। मोटरसाइकल सडकमा नै रहेको प्रहरीले जनाएको छ। तीव्र गतिमा रहेको मोटरसाइकल ठोक्किदा दुलाल उछिट्टिएका प्रहरीको भनाइ छ। सडकबाट ३५ मिटर तल खसेका दुलाललाई प्रहरीले उद्दार गरी थप उपचारका लागि धुलिखेल तर्फ लगे पनि उनको बाटोमै मृत्यु भएको हो।

    खोलाले बगाएका खत्रीको उद्दार  

    लगातारको वर्षापछि आएको बाढीले बगाएका कमलामाई नगरपालिका–२ चियाबारीका दीपबहादुर खत्रीलाई जीवितै उद्दार गरिएको छ। खत्रीलाई ग्वाङखोलाले बगाए पनि स्थानीयहरुले देखेपछि झण्डै १ सय मिटर तलबाट उनलाई सकुशल उद्दार गरिएको प्रहरीले जनाएको छ।

    ग्वाङखोलामा आएको बाढीले खोला तर्ने क्रममा खत्रीलाई बगाएको देखेपछि जिल्ला समन्वय समिति सदस्य सिबी बुढाथोकी सन्तोषसहितको टोलीले उद्दार गरेको हो। घाइते अवस्थामा रहेका खत्रीको सिन्धुलीमाडीस्थित मोर्डन एपोलो अस्पतालमा उपचार भइरहेको प्रहरीले जनाएको छ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]