अर्थ

कालिकोटको बजेडीचौर एकैटोलबाट ४५ लाखको स्याउ बिक्री
SHARES

भदौ २४, २०७४

    कालिकोट : जिल्लाको स्याउको राजधानीका रुपमा चिनिएको तिलागुफा नगरपालिका–१ बजेडीचौर टोलका किसानहरुले ४५ लाखको स्याउ बिक्री गरेका छन्। बजेडीचौर टोलका ३१ घर परिवारले यो वर्षमा ४५ लाख बराबरको स्याउ बिक्री गरेका हुन्। ७२ घरधुरी रहेको बजेडीचौर टोलमा यस वर्ष ३१ जना किसानहरुले स्याउ फलाएका थिए।

    ३१ जना किसानहरुमध्ये अधितकतम धेरै स्याउ बेच्ने ७ लाखको स्याउ बिक्री गरेका थिए भने कम बेच्नेले ६ हजारसम्मको स्याउ बिक्री गरेका छन्। बजेडीचौर टोलका सबैको स्याउ रोपेका थिए। तर कसैकहाँ स्याउ राम्रो फलेको छ भने कसैकहाँ कम फलेको छ। तर, राम्रो स्याउ फलेका कृषकहले भने राम्रो आम्दानी लिएको स्याउ किसान पृथ्वीबहादुर बुढाले बताए। ‘यो टोलमा स्याउ बेचेर सबैले राम्रो आम्दानी लिएका छन्’, उनले भने, ‘यो वर्षको कसैको बारीमा स्याउ नै फलेन।’

    बजेडीचौर टोलबाट सबैभन्दा बढी बेगम शाहीले ७ लाख रुपैयाँको स्याउ बिक्री गरेका थिए। त्यसैगरी सबैभन्दा कम ६ हजार रुपैयाँको स्याउ ३ जना किसानहरुले बेचेको बजेडीचौरका स्याउ किसान मनबहादुर बुढाले बताए। ‘सबैभन्दा बढी स्याउ बेच्ने किसानले ७ लाखसम्मको बिक्री गरेका छन्’, उनले भने, ‘सबैभन्दा कम बेच्नेले ६ हजार बराबरको स्याउ बिक्री गरेका छन्।’

    एउटै टोलमा ४५ लाख बराबरको स्याउ बिक्री भएपछि कर्णालीमा किसानहरु स्याउ खेतीतर्फ आकर्षित भएका छन्। स्याउ फलाएर कृषकहरुले राम्रो आम्दानी लिन थालेको किसानहरु स्याउ बिक्री राम्रो आम्दानी लिएको एउटै टोलमा ४५ लाखको स्याउ बिक्री भएको तिलागुफा नगरपालिका प्रमुख रतनबहादुर शाहीले बताए। ‘बजेडीचौरका एउटा टोलमा मात्र ४५ लाख बराबरको स्याउ बिक्री भएको छ।’ उनले भने, ‘स्याउ खेतीमा सरकारी लगानीको वृद्धि गरिएको छ। स्याउ खेतीबाट किसानहरुले राम्रो आम्दानी लिन पनि थालेका छन्।’

रमेश रावल

पत्रकार रावल थाहाखबरका कालिकोट जिल्ला संवाददाता हुन्। ईमेल : rmsrwl@gmail.com

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]