दाङ : मोटरसाइकल दुर्घटनामा ज्यान गुमाएका शान्तिनगरका ढकबहादुर केसीकी श्रीमतीको पनि मृत्यु भएको छ। श्रीमान्सँगै आइतबार शमशेरगञ्जमा दुर्घटनामा परेर गम्भीर घाइते भएकी सीता केसीको उपचारको क्रममा आज बिहान ४ बजे भारतको लखनउमा मृत्यु भएको पारिवारले जनाएको छ।
सीता शान्तिनगर– ३ स्थित बीपी मावि बयालेको व्यवस्थापन समितिकी पूर्वअध्यक्ष हुन्। नेपालगञ्जबाट दाङतर्फ आउँदै गर्दा उनीहरू सवार मोटरसाइकललाई ना ४ ख ५६५३ नम्बरको बसले शमशेरगञ्जमा ठक्कर दिएको थियो।
गाडी र चालक प्रहरी नियन्त्रण रहेको बताइएको छ। मृतक दम्पतीको शव भेरी अञ्चल अस्पतालमा पोष्टमार्टम गरेर आजै दाङ ल्याउने तयारी रहेको पत्रकार निराश पाण्डेले जनाएका छन्।
तपाईंको ईमेल गोप्य राखिनेछ ।